ગાજર ખાઓ, સ્વસ્થ રહો
ગાજર ખાઓ, સ્વસ્થ રહો
શિયાળો એટલે લાલ લાલ, મીઠાં ગાજર ખાવાની ઋતુ. ગાજર એ બીટા કેરોટિનથી સમૃદ્ધ છે, જે શરીરમાં જઈને વિટામિન A બનાવે છે. માત્ર 100 ગ્રામ ગાજર આપણી રોજની વિટામિન A ની જરૂરિયાતને 100% જેટલી પૂરી કરી દે છે! આંખોના સ્વાસ્થ્ય માટે વિટામિન A ખૂબ જરૂરી છે.
વળી તેમાં આવેલ લ્યૂટિન નામનું ઘટક વાર્ધક્યમાં થતા મેક્યુલર ડિજનરેશન નામના રેટિનાના પ્રોબ્લેમને રોકવામાં સહાયભૂત થાય છે. આમ આંખોની રોશનીને મોટી ઉંમર સુધી તેજતર્રાર રાખવી હોય તો આ ઋતુમાં મન મૂકીને ગાજર આરોગો. આ ઉપરાંત ગાજરમાં વિટામિન K અને વિટામિન B-6 પણ સારા એવા પ્રમાણમાં રહેલાં છે, જે મજબૂત હાડકાં અને શરીરની ઓવરઓલ તંદુરસ્તી માટે ઘણાં આવશ્યક છે.
ગાજર એ કંદમૂળ છે, જેનો અનેક રીતે ભોજનમાં સમાવેશ થઈ શકે છે. ગાજરને તમે સલાડ કે રાઈતામાં કાચું ખાઈ શકો છો, તેનો સૂપ કે શાક- પુલાવમાં ઉપયોગ કરી શકો છો કે તેનો હલવો કે કેક પણ બનાવી શકો છો. શિયાળામાં ગાજરનો જ્યુસ પીવાથી ત્વચા અને આંખો સ્વસ્થ રહે છે અને શરીર નિરોગી બને છે.
સ્ત્રોત: ફેમિના, નવગુરાત સમય
ફેરફાર કરાયાની છેલ્લી તારીખ : 7/7/2020
© C–DAC.All content appearing on the vikaspedia portal is through collaborative effort of vikaspedia and its partners.We encourage you to use and share the content in a respectful and fair manner. Please leave all source links intact and adhere to applicable copyright and intellectual property guidelines and laws.
