મિશન મંગલમ યોજના

મિશન મંગલમ

બહેનોનો સંવાદ

બહેનઃ-૧- આ મોંધવારીમાં તો ધરનાં છેડા ભેગા કરવા મુશ્કેલ બની ગયા છે.

બહેનઃ-ર સાચી વાત કીધી તે તો બહેન. હવે પહેલા જેવું નથી. હવે તો આપણે પણ કાઇંક કરવું

જોઇએ.

બહેનઃ-૧ પેલા ફળીયામાં તો બેનો કાંઇક ભેગી થઇને કામ કરે છે તેની તને ખબર છે.?

બહેનઃ-ર બહુ ખબર તો નથી પણ કાઇંક મંડળ ચાલે છે એવી વાત છે.

બહેનઃ-૧ ચાલો ને તો ત્યાં જઇને જોઇ આવીએ. આપણે પણ કુટુંબને કાંઇ મદદ કરી શકીએ તો

સારુ જ છે ને

બહેન-ર ચાલો ચાલો..

(ફળીયામાં જાય છે ત્યાં સક્રીય બહેનને મળે છે અને માહીતી લે છે.)

સક્રીય બહેનઃ-

પહેલા તો અમને પણ તમારી જેમ જ ધરનાં કામ સિવાય નું કાંઇ સુઝતુ ન હતું. પણ તાલુકા પંચાયતમાંથી માહીતી મળી મિશન મંગલમ યોજનાની અને અમે બનાવ્યું મજબૂત સખીમંડળ.

• મિશન મંગલમ યોજનાનાં અમલીકરણ માટે  વર્ષ ર૦૧૦ માં ગુજરાત લાઇવલીહુડ પ્રમોશન કંપની લિ.ની સ્થાપના કરવામાં આવી.

• જયારે ૧૦ થી ર૦ પુખ્ત વયનાં બી.પી.એલ અથવા SECC 2011 વંચિતતા ધરાવતાં કુટુંબોનાં બહેનો કે જેઓનો સામાજિક-આર્થિક દરજજો એક સરખો હોય, એકસમાન ઉદેશ્ય માટે એક મંડળ માં સંગઠિત થાય તેને સખીમંડળ કહેવાય.

સખીમંડળ ચલાવવા જરુરી છે.પંચસૂત્ર

1. નિયમિત દર અઠવાડીયે મિટીંગ.
2. નિયમિત બચત.
3. નિયમિત ધિરાણ.
4. નિયમિત વસૂલાત
5. નિયમિત હિસાબોની જાળવણી.

• મંડળનાં નિભાવવાનાં હિસાબોનાં ચોપડા વ્યકિતગત પાસબુક,ધિરાણ રજીસ્ટર,મિટીંગ કાર્યવાહી નોંધનું રજીસ્ટર મિટીંગમાં જ લખવામાં આવે.

સખીમંડળને નાણાંકીય સહાયતા

કેશ ક્રેડીટ( રોકડ ધિરાણ)

લાભની પાત્રતાઃ-

• રચના ને ૬ માસ થયેલ સખીમંડળ
• પંચસૂત્રોનું પાલન કરતા મંડળ

લાભ લેવા જરુરી દસ્તાવેજ

• જી.એલ.પી.સી.નાં તાલુકા મિશનમંગલમ શાખાનો ભલામણ પત્ર અને નિયત નમૂનામાં અરજી
• મંડળનાં ઠરાવની નકલ
• પ્રમુખખજાનચી -મંત્રી- - નાં પ્રમાણપત્ર તથા આધારકાર્ડ/ચૂંટણી કાર્ડ ની નકલ અને ૩ પાસપોર્ટ સાઇઝનાં ફોટો.
• અન્ય સભ્યોનાં આધારકાર્ડ/ચૂંટણી કાર્ડ ની નકલ તથા ૧ પાસપોર્ટ સાઇઝનાં ફોટો.
  • ગ્રેડીંગ પત્રક
  • આ પ્રક્રીયા કરવા પર બેંક દ્રારા અલગથી લોન ખાતું ખોલવામાં આવે છે.
  • પહેલી વખત બેંકમાંથી ઓછામાં ઓછા ૧ લાખ સુધીનું  રોકડ ધિરાણ મળે છે. ત્યારબાદ મંડળની જરુરીયાત મુજબ રકમ બેંક દ્રારા વધારવામાં આવે છે.

કેશક્રેડીટ પર સખીમંડળ ને મળે છે અન્ય સવલતોઃ-

1. સર્વિસ એરીયામાંથી મુકિતઃ- બેંકનાં સર્વિસ એરીયાનાં નિયમમાંથી સખીમંડળોને મુકિત
2. સ્ટેમ્પ ડયુટીમાં રાહતઃ- સ્ટેમ્પ ડયુટીમાં  ૧૦ લાખનાં ધિરાણ સુધી રાહત. રુા.૧૭પ૦ સુધીનો લાભ.
3. ઇન્ટરસ્ટ સબવેન્શનઃ-

• રોકડ ધિરાણ પર બેંક તરફથી લેવાતા વ્યાજ માં ૭% ફલેટ રેટની મદદ
• નિયમિત હપ્તા ભરવા પર વધારાનાં ૩% મળવાપાત્ર.
• આમ ૧૦% સુધીની વ્યાજ સહાય મળવાપાત્ર છે.
• પ્રક્રીયા બેંક મારફત કરવામાં આવે છે. નાણાં બેંકનાં ખાતામાં જ જમા થાય છે.

1. ગ્રામ સખીસંધનાં સભ્ય હોય તેવા બી.પી.એલ સખીમંડળને પ૦,૦૦૦ સુધી કોમ્યુનીટી ઇન્વેસ્ટમેન્ટ  ફંડ નું ધિરાણ.
2. બેંકીંગ –વીમા-પેન્શન યોજનાઓ સાથે જોડાણઃ-

સખીમંડળનાં દરેક સભ્યોને વારાફરતી બેંકની મુલાકાત લેવા પર મળે છે નાણાંકીય સાક્ષરતાનું જ્ઞાન.

સખીમંડળ એ એક નાની બેંક છે. બેંક માં બચત ખાતું ખોલાવ્યા બાદ બેંક તે બચતને અન્ય ખાતાધારકોને  લોન  આપે  છે અને તેનાં મળતાં વ્યાજથી બેંક પોતાનું ભંડોળ વધારે છે તે જ રીતે

સખીમંડળ પણ

1. બચતની રકમમાંથી સભ્યોને આંતરિક ધિરાણ આપી વ્યાજની આવક થી પોતાનું સ્વભંડોળ વધારે છે.
2. બેંકમાં મળતાં રોકડ ધિરાણ પર સભ્યો પાસે થી બેંક નાં વ્યાજ દર થી વધુ દર મુજબ આપી તફાવતની રકમ થી મંડળનું ભંડોળ વધારે છે.
3. ગ્રામ સખીસંધ સખીમંડળને ૯ % નાં દરે કોમ્યુનીટી ઇન્વેસ્ટમેન્ટ ફંડ નું ધિરાણ કરે  છે.

સખીમંડળ  સભ્યોને ૧ર % નાં દરે ધિરાણ આપે છે. આમ તફાવતનાં ૩%નો વ્યાજનાં દરથી મંડળનું સ્વભંડોળ વધારે છે.

તાલીમ

સ્વરોજગારલક્ષી તાલીમ માટે ની વ્યવસ્થા.

• મહેસાણા-ઉંઝા રોડ પર આવેલ દેના ગ્રામીણ સ્વરોજગાર તાલીમ સંસ્થાનમાં બનેલ આધુનિક બિલ્ડીંગમાં તાલીમ.
• જમવા તથા રહેવાની તથા વિનામૂલ્યે તાલીમ ની સુવિધા.
• >બી.પી.એલ સ્કોર, સમાજના વંચિત વર્ગ( SECC-મુજબ)નાં સખીમંડળનાં બહેનોને માટે ૬૦ જેટલા સ્વરોજગારલક્ષી કોર્ષની વિનામૂલ્યે તાલીમ
• ઉમર મર્યાદા ૧૮ થી ૪પ વર્ષ.

રોજગારલક્ષી તાલીમ માટે ની વ્યવસ્થા.

યોજનાનો માટેની ઉમરમર્યાદા તથા અભ્યાસની વિગતઃ-

• ૧૮ થી ૩૫ વર્ષ નાં યુવાન/યુવતી
• ઓછામાં ઓછો ધોરણ ૫ સુધીનો અભ્યાસ

લાભ મેળવવાપાત્ર કુટુંબોઃ-

• બીપીએલ કુટુંબો નાં યુવાન/યુવતી
• SECC ર૦૧૧ માં ઓટો ઇન્કલુઝન પેરામીટરમાં આવતાં કુટુંબો નાં યુવાન/યુવતી
• મનરેગામાં છેલ્લા નાણાંકીય વર્ષમાં ઓછામાં ઓછા ૧પ દીવસ સુધી રોજગારી મેળવનાર કુટુંબોનાં યુવાન/યુવતીઓ.
• આરએસબીવાય કાર્ડ નાં માં નામ હોય તેવા કુટુંબનાં યુવાન/યુવતી (કાર્ડ પર નામ હોવું જરુરી)
• બી.પી.એલ પી.ડી.એસ કાર્ડ ધારક કુટુંબનાં યુવાન/યુવતી (કાર્ડ પર નામ હોવું જરુરી)

યોજનાની લાક્ષણિક્તાઓ

• NCVT અને SSC માન્ય કૌશલ્ય વર્ધન તાલીમ સર્ટીફીકેટ
• ૩ માસની તાલીમ મેળવ્યા બાદ સંગઠિત ક્ષેત્રે ઓછામાં ઓછા રૂ.૬૦૦૦/- ની તથા ૧ર માસની તાલીમ મેળવ્યા બાદ રૂ. ૧૫૦૦૦/-ના પગારથી રોજગારીની બાંયધરી.
• તાલીમ લઇ નોકરી મેળવ્યા બાદ પણ અપાતો સહયોગ
• મોનીટરીંગ જી.એલ.પી.સી દ્રારા
• અમલીકરણ વિવિધ એજન્સી દ્રારા
• ગ્રામકક્ષાએ આવા ઇચ્છુક યુવાન/યુવતીઓ ની યાદી બનાવી તાલુકા પંચાયતની મિશન મંગલમ શાખામાં સંપર્ક કરી શકાય.

મહેસાણામાં અલગ-અલગ ક્ષેત્રમાં આજીવિકા મેળવતાં સખીમંડળોની વાત.

આર.ઓ.પ્લાન્ટ         (ગામઃ- કાંસા તા.વિસનગર)

અગરબતી પેકીંગ યુનિટ (ગામઃ-  કડા તા.વિસનગર)

કેશ ક્રેડીટમાં થી પશુપાલન- ભેંસ,ચાફકટર લાવવાની વાત

મિશન મંગલમ યોજના નું અમલીકરણઃ-

• જિલ્લા કક્ષાએઃ- નિયામકશ્રી /જિલ્લા લાઇવલીહુડ મેનેજરશ્રી-મિશન મંગલમ શાખા ,જિલ્લા ગ્રામ વિકાસ એજન્સી,મહેસાણા
• તાલુકા કક્ષાએઃ- તાલુકા વિકાસ અધિકારીશ્રી/ તાલુકા લાઇવલીહુડ મેનેજરશ્રી-મિશન મંગલમ શાખા ,તાલુકા પંચાયત
• ગ્રામ કક્ષાએઃ- કલ્સટર કો-ઓર્ડીનેટર/ સખીમંડળનાં સક્રીય બહેનો

સ્ત્રોત : જિલ્લા ગ્રામ વિકાસ મહેસાણા