આપણે તળેલા પદાર્થો વિષે શું કહીશું? તેઓ સ્વાદિષ્ટ હોય, પણ તમારે માટે બહુ સારા નથી. એમાં ફેટનું પ્રમાણ ઊંચું હોય છે. અહીં કેટલાંક સૂચનો છે જે તમારા હૃદયને બચાવશેઃ
આપણે શા માટે સ્નેક્સ ખાઈએ છીએ/ તે સ્વાદિષ્ટ લાગે છે, સરળતાથી બનાવી શકાય છે અને તેનાથી આપણી મીઠું અને નમકીન ખાવાની ઝંખના પૂરી થાય છે અને એની ક્રંચીનેસની મઝા આવે છે. તેમ છતાં, કેટલાંક સ્નેક્સ ફૂડ્સમાં ફેટ્સ અને સોલ્ટ વધુપડતાં હોય છે. તમારી ભાવતી આઇટમમાં કેટલાં બધાં ફેટ્સ અને સોલ્ટ હોય છે ! એટલે વધુ તંદુરસ્ત વિકલ્પો માટે સૂચનો જુઓ.
કોઈ જ ખોરાક ‘સારો’ કે ‘ખરાબ’ હોતો નથી. અમેરિકન ડાયેટેટિક એસોસિએશન સૂચવે છે તેમ તમામ ખોરાક- જ્યાં સુધી થોડા પ્રમાણમાં ખાવ ત્યાં સુધી યોગ્ય જ છે. કોઈ પણ વસ્તુ વધુ પડતી ખાવી તે ખોટું છે. જો તમે માત્ર શાકભાજી જ ખાવ અને બીજું કંઈ જ ન ખાવ તો તે સમસ્યા કરશે. તો કોઈ ચીજ કેવળ ફેટ-ફ્રી અથવા લો-ફેટ છે તો એનો અર્થ એ નથી કે તમે ઇચ્છો એટલી ખાવ. ઘણા લો-ફેટ અથવા નોન-ફેટ પદાર્થોમાં હાઈ કેલરી હોય છે. એટલે દરેક વસ્તુ મોડરેશનમાં –યોગ્ય પ્રમાણમાં –ખાવ. જે ચીજોમાં ફેટ, સુગર કે સોલ્ટ વધારે હોય તે ઓછું ખાઓ પણ સાવ બંધ ન કરશો.
મેદસ્વી અથવા તો ઓવરવેઇટ થવાથી તમારું વિવિધ પ્રકારના રોગો –જેમ કે હૃદયરોગો, ડાયાબિટીસ અને કેટલાંક કેન્સર્સ થવાનું જોખમ વધી જાય છે. શરીર વાપરે તે કરતાં વધુ કેલરીઝ ખાવાને કારણે શરીરમાં વધુ પડતી ચરબી જમા થાય છે. જો તમે અત્યંત પ્રવૃત્તિશીલ હોવ, તો તમે વધુ ખાઈ શકો. ખાવાની તમામ ચીજોમાંથી કેલરીઝ મળે છે- પ્રોટીન, ફેટ, કાર્બોહાઇડ્રેટ અને ફેટ્સ. એટલે પ્રોફેશનલ મદદ લઈને તમારા આહારની ડિઝાઈન બનાવો જે તમામ ન્યુટ્રીઅન્ટ્સનું બેસ્ટ કોમ્બો હોય.
સાધારણ પુખ્ત વયની વ્યક્તિઓએ દિવસના ઓછામાં ઓછા 2 લીટર જેટલું પાણી પીવું જોઈએ. જો તમે શારીરિક મહેનત કરતા હોવ અને ખૂબ ગરમી હોય તો આનાથી વધારે પાણીની જરૂર પડે. સાદું પાણી દેખીતી રીતે પ્રવાહીનો ઉત્તમ સ્રોત છે, પણ વિવિધતાથી મઝા પણ પડે અને હેલ્ધી રહેવાય.
આપણે જોયું છે કે વધુ પડતી કેલરી અને અપૂરતી પ્રવૃત્તિથી વજન વધે છે. હળવી શારીરિક પ્રવૃત્તિ આ વધારાની કેલરી બાળવામાં મદદ કરે છે. એ હૃદય અને સર્ક્યુલેશન સિસ્ટમ માટે તેમજ સામાન્ય તંદુરસ્તી તથા વેલ-બીઇંગ માટે પણ સારું છે. એટલે, શારીરિક પ્રવૃત્તિને તમારા દૈનિક રૂટિનનો ભાગ બનાવી દો. લિફ્ટનો ઉપયોગ (ચડ-ઊતર બંને માટે!) કરવાને બદલે દાદરાનો ઉપયોગ કરો. કાર થોડી આગળ પાર્ક કરો. લંચ બ્રેકમાં થોડું ચાલો. ચાલવા માટે કંઈ એથ્લેટ બનવાની જરૂર નથી!
તમારી લાઇફસ્ટાઇલમાં એકદમ જંપ લેવાને બદલે ધીમે ધીમે ફેરફાર કરવા વધુ સહેલા છે. તમે હેલ્ધી ખાવાના માર્ગ પર એક ટીપ લઈને એની પર થોડાક અઠવાડિયાં કામ કરો. જ્યારે એની ટેવ પડી જાય, પછી બીજી ટીપ પર કામ કરો.
સ્ત્રોત :સ્ટે હેલ્થી, સોનલ શાહ, નવગુજરાત ફેમિના
ફેરફાર કરાયાની છેલ્લી તારીખ : 7/13/2020