દાડિમાષ્ટક ચૂર્ણ

સંગ્રહણી, ઝાડા, ગોળો, ઉધરસ, અને ગળાના રોગો માટે શ્રેષ્ઠ

યોજના – સાચું વંશલોચન ૧ ભાગ,તજ, તમાલપત્ર, નાની એલચી અને નાગકેસર ૨-૨ ભાગ, અજમો, ધાણા, જીરું, પીપરીમૂળ, સૂંઠ, મરી, લીંડીપીપર, ૪-૪ ભાગ, દાડમનાં સૂકાં બી ૩૨ ભાગ અને સાકર ૩૨ ભાગ ખાંડી ચૂર્ણ બનાવવું.

સેવનવિધિ – આ ચૂર્ણ બને ત્યાં સુધી તાજું જ બનાવતાં રહેવું. ઘણું સ્વાદિષ્ટ હોવાથી મુખવાસરૂપે એકલું ખાઈ શકાય છે. છાશમાં, દહીમાં, મધમાં કે પાણીમાં પણ લઈ શકાય છે. માત્રા ૧ ગ્રામથી ૧૦ ગ્રામ સુધી.

ઉપયોગ

(૧) ગ્રહણી – દિવસમાં ત્રણ – ચાર વખત ૧૦-૧૦ ગ્રામ ચૂર્ણ છાશમાં લેવું.

(૨) ઝાડા – દિવસમાં ત્રણ વખત ચૂર્ણ છાશમાં લેવું

(૩) ગોળો – ગરમ પાણીમાં ૧ ચમચી ચૂર્ણ સવારે – સાંજે આપતાં રહેવું.

(૪) શ્વાસ – ૧-૧ ચમચી ચૂર્ણ મધ સાથે ચટાડવું.

(૫) ઉધરસ – મધ સાથે ૧-૧ ચમચી ચૂર્ણ ચાટવું. અથવા ચૂર્ણ મોંમા રાખ્યા કરવું.

(૬) ગળાના રોગો – મોંમા ચૂર્ણ રાખવું અથવા મધમાં ચાટતા રહેવું.

(૭) ક્ષય – ચૂર્ણ મોંમાં રાખવું અથવા મધ સાથે લેતાં રહેવું.

વૈદ્ય નિકુલ પટેલ