ઓરાણ ડાંગરની ખેત પદ્ધતિ

જાતની પસંદગી અને મિશ્રપાકો

સાઠી ૩૪-૩૬, જી.આર.૫, જી.આર.૮, જી.આર.૯, અશોકા-૨૦૦-એફ, એએયુડીઆર-૧, (ડી.ડી.આર-૯૭) દક્ષિણ ગુજરાતની પાળાવાળી ક્યારીમાં આઈ.આર.૨૮ જાત પણ વધુ અનુકૂળ છે. મિશ્રપાક તરીકે તુવેર ૩:૧ (ડાંગર : તુવેર) મુજબ લાઈનો રાખીને ઉગાડવાનું વધુ અનુકૂળ પડે છે

બીજ અને માવજત

• 4 હેક્ટરે ૫૦-૬૦ કિલો મુજબ પ્રમાણિત બીજ વાપરવું.
• 4 એક કિલો બીજ દીઠ ૩ ગ્રામ મુજબ કાર્બેન્ડાઝીમ-૨૫ એસ.ડી અથવા થાયરમ દવાનો પટ આપવો.
• 4વાવણી વખતે હેક્ટરે ૨ કિલો મુજબ એઝોટોબેક્ટર કલ્ચરની બીજને માવજત   આપવી.

વાવણીનો સમય

• જુનના બીજા થી ત્રીજા અઠવાડીયે અથવા વરસાદની શરૂઆત થયે વાવણી કરવી.

જમીનની તૈયારી

• ચોમાસામાં વરસાદની શરૂઆત થયે ખેતરમાં હેક્ટરે ૧૦ ટન મુજબ સારૂ કહોવાયેલ છાણિયું ખાતર નાખી આડી ઉભી ૨-૩ ખેડ કરી જમીનમાં ભેળવવું અને સમાર મારી જમીન તૈયાર કરવી.

વાવણી

• બળદથી ચાલતા દેશી હળથી ૪-૬ સે.મી.ઉડાઈએ અને ૩૦ સે.મી.અંતરે ચાસ પાડી વાવણી કરવી.
• મિશ્રપાક પધ્ધતિમાં ડાંગર અને તુવેર ૩ :૧ ના પ્રમાણમાં બે હાર વચ્ચે ૩૦ સે.મી. અંતર વાવણી કરવી.

ખાતર વ્યવસ્થા

• વાવણી પહેલાં જમીનમાં હેક્ટરે ૧૦ ટન મુજબ છાણિયું ખાતર આપવું.
• હેક્ટરે ૫૦ : ૨૫ : ૦૦ મુજબ નાઈટ્રોજન  : ફોસ્ફરસ : પોટાશ આપવાં જેમાં બધો જ ફોસ્ફરસ અને ૨૫ કિલો નાઈટ્રોજન પાયામાં વાવણી વખતે જ્યારે બાકીનો ૨૫ કિલો નાઈટ્રોજન વાવણીના ૩૦-૪૦ દિવસ બાદ આપવો. આ નાઈટ્રોજન એમોનીયમ સલ્ફેટ ખાતરના રૂપમાં આપવું વધુ અસરકારક છે.

નીંદણ નિયંત્રણ અને આંતરખેડ

• હાથથી નીંદણ દુર કરવું અને બે હાર વચ્ચે ૨-૩ આંતર ખેડ કરવી.

કાપણી

• ઓરાણ ડાંગરમાં ૫૦ ટકા કંટી નીકળ્યા બાદ પાંચ અઠવાડીયે ડાંગર પીળી દેખાય ત્યારે કાપણી કરવાથી ૪૫ ટકા વધુ ઉત્પાદન અને ૪૭ ટકા આખા ચોખાનો ઉતાર મળે છે.