<div id="MiddleColumn_internal" style="text-align: justify; "> <p style="text-align: justify; "><span><img class="image-left" src="https://static.vikaspedia.in/media_vikaspedia/gu/images/health/a86ab0acba97acdaafab6abeab8acdaa4acdab0/a86ab0acba97acdaafab6abeab8acdaa4acdab0-aaeabea9fac7-ab2ac7a96acb/a86ab9abeab0-ab8a82aaca82aa7abfaa4-ab2ac7a96acb/guava.jpg" />જામફળ ખૂબ દળ ધરાવતું, આરોગ્યપ્રદ ફળ છે. તેના આકારમાં ફેરફાર જોવા મળે છે પણ સામાન્ય રીતે તે ગોળ હોય છે.</span></p> <p style="text-align: justify; "><span>જામફળ તેના પોષક દ્રવ્યોના કારણે ખૂબ મહત્ત્વપૂર્ણ છે. આ ઉપરાંત તેમાં વિટામિન્સ પણ સામેલ હોય છે. ખાસ કરીને તેમાં વિટામિન-સી ભરપૂર માત્રામાં હોવાથી તે એન્ટિસ્કોરબ્યુટિક છે. આ ઉપરાંત જામફળ એન્ટિડાયેરિયલ, એન્ટિબેક્ટેરિયલ, એન્ટિઓક્સિડન્ટ, એન્ટિસ્પાસમોડીક, એન્ટિ-ઈન્ફલેમેટરી, એન્ટિ-એનેમિક, હેમોસ્ટેટિક, સિડેટીવ ગુણધર્મ ધરાવે છે, જેના કારણે તે અત્યંત આરોગ્યપ્રદ ફળ ગણાય છે. ખટમીઠું આ ફળ સલાડમાં ઉમેરવાથી તેનો સ્વાદ વધી જાય છે તો તેનું શાક પણ ખૂબ સ્વાદિષ્ટ લાગે છે. સફેદ કરતાં લાલ જામફળ વધુ સોફ્ટ અને મીઠાં લાગે છે.</span></p> <p style="text-align: justify; "><span>જામફળના વૃક્ષનાં પાન પણ ખૂબ ઉપયોગી છે. તેમાં કેરિફાયલીન, નેરોલિડીયોલ, બીટા બિસાબોલેન, અરોમાન્ડ્રેનો, પી-સેલીનેન જેવા એસેન્શિયલ ઓઈલ પણ ઉપલબ્ધ છે. આ ઉપરાંત તેમાં ફ્લેવોનોઈડસ, બીટા સાઈટોસ્ટેરોલ, ટ્રાઈટરપેનડોઈડસ, લ્યુકોકાયેન્ડીન્સ અને ૧૦ % જેટલું ટેનિન સામેલ હોય છે. કાચાં જામફળમાં વિટામિન સી વધુ હોય છે પણ તે વધુ પ્રમાણમાં ખાવાથી અપચો કરે છે માટે બને ત્યાં સુધી પાકાં જામફળ જ ખાવા.</span></p> <p style="text-align: justify; ">સ્ત્રોત: નવગુજરાત સમય</p> </div>