অসমীয়া   বাংলা   बोड़ो   डोगरी   ગુજરાતી   ಕನ್ನಡ   كأشُر   कोंकणी   संथाली   মনিপুরি   नेपाली   ଓରିୟା   ਪੰਜਾਬੀ   संस्कृत   தமிழ்  తెలుగు   ردو

મદદ માટે MHA હેલ્પલાઇન નંબર 1930 અને NHAI હેલ્પલાઇન નંબર 1033નો ઉપયોગ કરી શકાશે

મદદ માટે MHA હેલ્પલાઇન નંબર 1930 અને NHAI હેલ્પલાઇન નંબર 1033નો ઉપયોગ કરી શકાશે

સમગ્ર દેશમાં લૉકડાઉન દરમિયાન એક રાજ્યથી બીજા રાજ્યમાં ખાલી ટ્રકો સહિત માલવાહક વાહનોની અવરજવર માટે ડ્રાઇવરો/ ટ્રાન્સપોર્ટરોની ફરિયાદો/ પ્રશ્નોનું નિરાકરણ ઝડપથી થાય તેવા આશયથી કેન્દ્ર સરકારે કેન્દ્રીય ગૃહ મંત્રાલયના કંટ્રોલ રૂમનો ઉપયોગ કરવાનો નિર્ણય લીધો છે જ્યાં માર્ગ પરિવહન અને ધોરીમાર્ગ મંત્રાલય (MoRTH)ના અધિકારીઓને પણ આ હેતુથી નિયુક્ત કરવામાં આવી રહ્યા છે.

લૉકડાઉન માટે કેન્દ્રીય ગૃહ મંત્રાલયના કંટ્રોલ રૂમનો નંબર 1930 લૉકડાઉનના સમય દરમિયાન ડ્રાઇવરો અને ટ્રાન્સપોર્ટરોને તેમની ફરિયાદો નોંધાવવા માટે ઉપલબ્ધ કરાવવામાં આવ્યો છે. વધુમાં NHAIનો હેલ્પલાઇન નંબર 1033 પણ રાષ્ટ્રીય ધોરીમાર્ગ સંબંધિત ફરિયાદો નોંધાવવા માટે ઉપલબ્ધ કરાવવામાં આવ્યો છે. MoRTH, NHAI, રાજ્યો/ કેન્દ્ર શાસિત પ્રદેશોના ટ્રાન્સપોર્ટ વિભાગો, ટ્રાન્સપોર્ટ સંગઠનો ડ્રાઇવરો અને ટ્રાન્સપોર્ટરોને જરૂર માહિતી પૂરી પાડવા માટે યોગ્ય પગલાં લેશે. ગૃહ મંત્રાલયના કંટ્રોલ રૂમમાં નિયુક્ત કરવામાં આવેલા MoRTHના અધિકારીઓ ટ્રાન્સપોર્ટ ક્ષેત્ર/ ડ્રાઇવરો સંબંધિત સમસ્યાઓ/ ફરિયાદોના નિવારણ માટે મદદરૂપ થશે. MoRTHના અધિકારીઓ આવી પ્રાપ્ત થયેલી ફરિયાદોનો દૈનિક અહેવાલ પણ તૈયાર કરશે.

અહીં નોંધનીય છે કે, લૉકડાઉન દરમિયાન સમગ્ર હેરફેરની કામગીરીનું સંચાલન ગૃહ મંત્રાલય દ્વારા બહાર પાડવામાં આવેલા આદેશ અને માર્ગદર્શિકાઓ દ્વારા કરવામાં આવે છે.

આમાં માલવાહક વાહનોની અવરજવર સંબંધિત ડ્રાઇવરો અને ટ્રાન્સપોર્ટરોની ફરિયાદોનું નિવારણ લાવવામાં આવે છે જેમાં ખાલી ટ્રકો અને ડ્રાઇવર/ ક્લિનરોને તેમના રહેઠાણથી ટ્રક સુધી અને પાર્કિંગ વિસ્તારથી ઘર સુધી આવનજાવન તેમજ આંતર રાજ્ય હેરફેર સંબંધિત ફરિયાદોનું પણ નિવારણ લાવવામાં આવે છે.

આ વ્યવસ્થાતંત્રથી કોવિડ-19 મહામારીના કારણે ભારતમાં લાગુ કરવામાં આવેલા લૉકડાઉન દરમિયાન તમામ રાજ્યો/ કેન્દ્ર શાસિત પ્રદેશોમાં માલવાહક વાહનોનું આવનજાવન વિના અવરોધે થઇ શકે તે સુનિશ્ચિત કરવામાં ખૂબ મોટી મદદ મળશે તેવી અપેક્ષા રાખવામાં આવે છે.



© 2006–2019 C–DAC.All content appearing on the vikaspedia portal is through collaborative effort of vikaspedia and its partners.We encourage you to use and share the content in a respectful and fair manner. Please leave all source links intact and adhere to applicable copyright and intellectual property guidelines and laws.
English to Hindi Transliterate