બ્લોગ દ્વારા કમાણી કરવા માટેના વિવિધ ઉપાયો

છેલ્લા એક દાયકાથી બ્લોગમાંથી નાણાકીય ઊપજ મેળવવાનું પ્રમાણ વધ્યું છે. એક સમયે બ્લોગમાંથી પૈસા મેળવવાનું કામ પાર્ટ-ટાઇમમાં થતું હતું પણ હવે વિવિધ રેવન્યુ ચેનલ શરૂ થવાથી તે ફુલ-ટાઇમ પ્રોફેશન છે. જો તમે પણ બ્લોગિંગના રસિયા હોવ તો અહીં સૂચવેલા વિકલ્પો દ્વારા તેમાંથી કમાણીનો સ્રોત ઊભો કરી શકો છો.

ગૂગલ એડસેન્સ દ્વારા શરૂઆત કરો:

એડસેન્સ માટે સાઇન અપ થઈ જાવ એટલે તમારા બ્લોગ પર મૂકવા માટે તમને એડ્સની ફાળવણી કરવામાં આવશે. ત્યાર બાદ તમારા એકાઉન્ટને એપ્રુવલ મળે તેની રાહ જુઓ. જો મળે તો, તમને એડ્ પ્લેસમેન્ટ મળવાનું જળવાઈ રહેશે અને તમને બહુ ઓછી પણ સ્થિર આ‌વક મળવા લાગશે. કોલકાતામાં રહેતી ફૂડ બ્લોગર પૂર્ણા બેનરજી કહે છે કે, alt147ગૂગલ દ્વારા શરૂઆત કરવાનો આઇડિયા સારો છે અને પછી કોન્ફિડન્સ વધે એટલે આગળ વધી શકો છોએડસેન્સ તમારા બ્લોક પર કેટલી વાર ક્લિક્સ થાય છે અને કેટલા વ્યૂ મળે છે તેના આધારે પૈસા ચૂકવે છે. કોસ્ટ પર ક્લિક (CPR) અને કોસ્ટ પર ૧,૦૦૦ ઇમ્પ્રેશન્સ (CPM) એમ બે કેટેગરીમાંથી જેમાં વધારે આવક મળે તેના આધારે એડ્‌ની ફાળવણી થાય છે.

માર્કેટિંગનો વિકલ્પ:

અન્ય લોકો/કંપનીની પ્રોડક્ટ્સના પ્રમોશન અને વેચાણ માટે તમે તમારા બ્લોગનો ઉપયોગ કરી શકો છો અને જો વાચકોને ખરીદદાર બનાવવામાં તમને સફળતા મળે તો આ સૌથી નફાકારક ચેનલ બની શકે છે. આ ચેનલનો મુખ્ય ફાયદો એ છે કે, તમારે પ્રોડક્શન, શિપિંગ કે કસ્ટમર કેર જેવી ઝંઝટમાં પડ્યા વગર કમાણી કરવાની છે. જોકે, તમારો વાચકવર્ગ/ફોલોઅરને તમારા નિર્ણય પર વિશ્વાસ હોય તે જરૂરી છે. તમારામાં થોડીક સેલ્સમેનશિપ હોય તો તેનો ઉપયોગ કરી શકો છો. તમારા બ્લોગ દ્વારા વેચાણકર્તાને જેટલો ટ્રાફિક મળશે તેના આધારે તમે કમાણી કરશો. તમે પ્રોડક્ટ રિવ્યૂ માટે લિન્ક પણ મૂકી શકો છો.

પ્રોડક્ટ સેલ્સ: 
તમે ફોટો અને માહિતી દ્વારા પોતાની પ્રોડક્ટ્સનું વેચાણ બ્લોગ દ્વારા કરી શકો છો. તમે તમારા વાચકને પ્રત્યક્ષ ખરીદીનો અથવા તેમને ઇ-કોમર્સ સાઇટ પર ડાઇવર્ટ કરવાનો વિકલ્પ અપનાવી શકો છો. એવોર્ડ-વિનિંગ બ્લોક ShoutMeLoudના સર્જક હર્ષ અગરવાલ કહે છે કે, alt147જો તમે સારા બ્લોગર હોવ તો તમારા કન્ટેન્ટમાંથી ઇ-બુક બનાવીને વેચી શકો છો. તમારા બ્લોગ પર ઇ-બુકનું વેચાણ ૯ ડોલરમાં અને એમેઝોન પર ૪-૫ ડોલરમાં કરી શકો છો.alt148 જો તમારો બ્લોગ ખૂબ જ લોકપ્રિય હોય તો બ્રાન્ડેડ મર્ચેન્ડાઇઝનું વેચાણ કરીને પણ તગડી કમાણી થઈ શકે છે. તમે બ્લોગને મેમ્બરશિપ સાઇટમાં પણ બદલી શકો છો, જ્યાં વાચકને પર્સનલાઇઝ્ડ સર્વિસિસ મેળવવા માટે સબસ્ક્રાઇબ કરવાનું રહેશે. જેમ કે, તમે ફાઇનાન્સ હેન્ડલિંગમાં પારંગત છો તો, તમે તમારા વાચકને તેમની જરૂરિયાત મુજબની નાણાકીય સલાહ આપવા માટે સાઇન અપ કરવાની છૂટ આપી શકો છો.

સ્પોન્સરશિપ:

જો તમારા બ્લોગને સારો એવો ટ્રાફિક મળતો હોય તો તમે બ્લોગ સ્પોન્સર્સની મદદ લઈ શકો છો. સ્પોન્સરશિપમાં તમારા બ્લોગની એડ્‌ સ્પેસ એવા વેપારીને વેચી શકો છો જે તમને વધારે સ્થિર આવક આપવા માટે તૈયાર હોય. તમે બેનર એડ્ મૂકવા માટે અથવા લિન્ક મૂકવા માટે માસિક ધોરણે ચાર્જ લઈ શકો છો. જગ્યા માટે તમે મહિને ~૨,૦૦૦-~૧૫,૦૦૦ ચાર્જ કરી શકો છો. GreatBongથી વધારે જાણીતા બ્લોગર અને ઓથર અર્નબ રેનો સટાયર બ્લોગ Random Thoughts of a Demented Mind ઘણો પ્રખ્યાત છે. અર્નબ કહે છે કે, જો તમારા વાચકોની સંખ્યા લાખોમાં ન હોય તો પેજ ઇમ્પ્રેશન્સમાંથી કમાણી કરવી મુશ્કેલ છે. જે બ્લોગર્સ કમાણી કરવા માંગે છે તેમણે એવો બ્લોગ વિકસાવવો જોઈએ કે કંપની સામેથી તમારો સંપર્ક કરેકાર્યક્રમો અથવા સમીક્ષા માટેની પ્રમોશનલ પોસ્ટ દ્વારા તમને  ૩,૦૦૦-૨૦,૦૦૦ની કમાણી થઈ શકે છે, જેનો આધાર તમારા બ્લોગની લોકપ્રિયતા અને સ્પોન્સર પર છે.

સ્ત્રોત: નવગુજરાત સમય