તાલીમ, પ્લેસમેન્ટ અને સહાય/માર્ગદર્શન તાલીમ વિગતોની ચકાસણી અને સુનિયંત્રણ સતત ચાલુ રાખવામાં આવે છે.
વનબંધુ કલ્યાણ યોજના અંતર્ગત આ એક વિશિષ્ટ પ્રકારનો કાર્યક્રમ છે. આ કાર્યક્રમ સારી રોજગાર માટેની તક અને નોકરી મળ્યા પછીના એક વર્ષ સુધી બિન-આર્થિક સહયોગ પૂરો પાડીને ગુજરાતના આદિજાતિ તાલુકાઓમાં ગરીબ બેરોજગાર આદિવાસી યુવકોના જીવનમાં અમૂલ્ય બદલાવ લાવે છે. ૨૦,૦૦૦ થી વધુ આદિવાસી યુવકોને તાલીમ આપવામાં આવી છે. અને આ તાલીમ લીધેલ યુવકો પૈકી ૬૭ થી ૭૦ ટકાને સફળતાપૂર્વક રોજગારી પ્રાપ્ત થઈ છે. યોજનાની એક શરત એવી પણ છે કે નોંધણી તેમજ રોજગારી/નોકરી આપવામાં ૫૦ ટકા મહિલા ઉમેદવારો સમાવવી જ જોઈએ. માત્ર એવા જ કાર્યક્રમોમાં છૂટછાટ આપવામાં આવે છે જ્યાં ઔદ્યોગિક ધારા ધોરણો અનુસાર મહિલાઓને નોકરીમાં રાખી શકાતી ન હોય.
વર્ષ ૨૦૧૫-૧૬ માટે રોજગારલક્ષી કૌશલ્ય તાલીમ કાર્યક્રમની વિગતો નીચે પ્રમાણે છે
સંસ્થાનું નામ |
વ્યવસાય/અભ્યાસક્રમ |
સમયગાળો |
સેન્ટ્રલ ઈન્સ્ટિટ્યૂટ ઓફ પ્લાસ્ટિક એન્જિનીયરીંગ એન્ડ ટેક્નોલોજી (CIPET) |
બેજીક એન્ડ એડવાન્સ મશીનીંગ ટેકનીક |
૬ મહિના |
પ્લાસ્ટીક પ્રોડક્ટ મેન્યુફેક્ચરીંગ |
૬ મહિના |
|
ઈન્ડો-જર્મન ટુલરૂપ (IGTR) |
સર્ટીફીકેટ કોર્ષ ઇન મશીનીસ્ટ (ફાઉન્ડેશન) |
૧૨ મહિના |
અનુસૂચિત જનજાતિના બેરોજગાર યુવક-યુવતીઓ આ તાલીમ કાર્યક્રમ માટે પાત્રતા ધરાવે છે. આ યોજનામાં આર્થિક રીતે પછાત લોકોને, મહિલાઓને તેમજ સારા ગુણ મેળવેલ ઉમેદવારોને અગ્રતા અપાશે.
આદિવાસી વિસ્તાર પેટા યોજના કચેરી દરેક અનુસૂચિત જિલ્લાઓમાં નાણા ભંડોળ પૂરુ પાડનાર ગુજરાતની ડેવલપમેન્ટ સપોર્ટ એજન્સી (ડિ-સેગ) ઉપરાંતની સંસ્થા છે. આ તાલીમ હેઠળની તમામે તમામ ઉમેદવારોની ચકાસણી આ કચેરી દ્વારા હાથ ધરાય છે.
ડિ.સેગ એ આદિજાતિ વિસ્તાર પેટા યોજના (TASP) કચેરીની સાથે સાથે આ પ્રોજેક્ટ માટે નાણાકીય ઉપલબ્ધ કરનારી અને સુનિયંત્રણ કરનારી સંસ્થા છે. આ ઉપરાંત ડિ-સેગ દ્વારા પ્રોજેક્ટ ના સરળ સંચાલન માટે કાર્ય કરી રહેલ છે. રાજ્ય અને જિલ્લા કક્ષાએ ડિ.સેગમાં વ્યાવસાયિકો પ્રાયોજનાના વિભાવના વિચારાઈ ત્યાર થી શરૂ કરી, તેના ભાગીદારોની અને ચકાસણી, માળખાકીય સુવિધાઓની ગુણકક્ષાની ઓળખ, અભ્યાસક્રમની અને તેને માટેની મોડ્યુલની રચના, ભાગીદાર સંસ્થાએ પ્રોજેક્ટમાં સુચિત અમલ માટે રોકવાના કર્મચારી અને તાલીમ માટેના ઉમેદવારોની ઓળખ, તેમને નોકરીમાં પ્રસ્થાપિત કરવા અને નોકરી મળ્યા પછી એક વરસ સુધી તેમની સહાયમાં રહેવું. નાણાં ભંડોળ ફાળવવું, જુદા-જુદા કાર્યક્રમો અને સંસ્થાઓ સાથે ગાઢ સંપર્ક કરી સંકલન કરવું તથા યોજનાના સુનિયંત્રિત અને મૂલ્યાંકન. આ સમગ્ર પ્રક્રીયા અંગેની તમામ ગતિવિધિઓ સાથે આ વ્યાવસાયિકો નિકટવર્તી રીતે સંકળાયેલા રહે છે.
જુદી-જુદી પ્રખ્યાત સરકારી અને ખાનગી સંસ્થાઓ ડિ-સેગની સાથે સહભાગી બનીને પ્રોજેક્ટના અમલમાં ભાગીદાર તરીકે સંકળાઈ છે. આ સંસ્થાઓ પસંદ કરવાની સમગ્ર પ્રક્રિયા તદ્દન પારદર્શી છે અને ઈ-ટેનડરીંગ પદ્ધતિ મારફતે પસંદગી કરવામાં આવે છે.
ગુજરાતના સંકલતિ આદિવાસી વિકાસ પ્રાયોજના વિસ્તારના અનુસૂચિત જનજાતિના યુવક-યુવતીઓ માટે કૉમન-લૉ-એડમિશિન-ટેસ્ટ (CLAT) માટે કોચીંગ વ્યવસ્થા
કૉમન-લૉ-એડમિશન-ટેસ્ટ એટલે અખિલ ભારતીય કક્ષાએ સ્નાતક અને અનુસ્નાતક કક્ષાએ કાયદાના અભ્યાસ માટે પ્રવેશ મેળવવા માટેની પ્રવેશ-પરીક્ષા એટલે LL.B કે LL.M માટે કોલેજમાં દાખલ થવા માટેની પ્રવેશ પરીક્ષા. ગુજરાત નેશનલ લૉ યુનિવર્સિટી (GNLU) જે આદિજાતિ વિકાસ વિભાગ દ્વારા પુરસ્કૃત યુનિવર્સિટી છે તે અનુસૂચિત જનજાતિના સમગ્ર આદિજાતિ વિસ્તાર પેટા યોજનાના વિદ્યાર્થીઓને આ પ્રમાણે કાયદાનો અભ્યાસ કરવા ઈચ્છનારને તેની પ્રવેશ પરીક્ષા માટે તાલીમ આપે છે.
આદિવાસી વિસ્તારોના અનુસૂચિત જનજાતિના વિદ્યાર્થીઓને તબીબી અભ્યાસક્રમમાં પ્રવેશ મેળવવા માટે ગુજકેટ, તેમજ સંયુક્ત પ્રવેશ પરીક્ષા જેઇઇ માટે તાલીમ આપવામાં આવે છે. ચાલુ વર્ષમાં કુલ ૬૧૨ ઉમેદવારોને જે.ઇ.ઇ. (JEE) અને ૧,૩૭૫ ઉમેદવારોને ગુજકેટની (GUJCET) તાલીમ આપવામાં આવી રહી છે.
ફેરફાર કરાયાની છેલ્લી તારીખ : 5/20/2020