অসমীয়া   বাংলা   बोड़ो   डोगरी   ગુજરાતી   ಕನ್ನಡ   كأشُر   कोंकणी   संथाली   মনিপুরি   नेपाली   ଓରିୟା   ਪੰਜਾਬੀ   संस्कृत   தமிழ்  తెలుగు   ردو

વાળની જાળવણી અંગેની ખોટી માન્યતાઓ

સ્ત્રીઓ માટે વાળની સુંદરતા અતિ મહત્ત્વપૂર્ણ હોય છે. તેના સમગ્ર સૌંદર્યમાં સૌથી વધુ અગત્યની ભૂમિકા વાળ ભજવે છે. વર્ષોથી વાળની જાળવણી માટે અનેક ઉપાયો, ઉપચારો પ્રચલિત છે, એ જ રીતે એ અંગેની અનેક માન્યતાઓ પણ પ્રચલનમાં છે. આવી માન્યતાઓમાં કેટલીક ખોટી માન્યતાઓ પણ હોય છે. આવી પાંચ ખોટી માન્યતાઓ છે જેમાં વાળના છેડા તૂટવા, સફેદ વાળ ખેંચી કાઢવા, વાળ ધોવાથી શુષ્કતા આવે અને વાળના સૌંદર્ય માટેના ઉત્પાદનો વિશેની માન્યતાઓ પણ સામેલ છે, જેના વિશે આપણે અહીં જાણીએ.

છેડેથી વિભાજીત વાળનું ફિક્સીંગ શક્ય છે

સ્પ્લીટ એન્ડ એટલે કે દ્વિમુખી વાળના છેડાને એક કરવા એ વાસ્તવમાં શક્ય જ નથી. શક્ય છે કે કંપનીઓએ પોતાના ઉત્પાદનોના વેચાણ માટે એવી વાત ચલાવી હોય કે તમે બે છેડા ધરાવતા વાળને ફિક્સ કરી શકો છો પરંતુ એ શક્ય નથી. આવા વાળને છેડેથી કાપવા જ પડે, એ જ તેનો ઉપાય છે. કેટલાંક એવા ઉત્પાદનો છે કે જેનાથી કામચલાઉ ફિક્સીંગ વાળમાં કરી શકાય છે, જેમાં થોડા સમય માટે બે છેડા ધરાવતા વાળને છુપાવી શકાય છે.

સફેદ વાળ ખેંચી કાઢો તો ફરી ઉગે

આ સંપૂર્ણપણે ખોટી માન્યતા છે. સફેદ વાળ ખેંચી કાઢવામાં આવે ત્યારે તેના મૂળને નુકસાન થાય છે અને તેની પીડા પણ થાય છે. પણ એ સાચું નથી કે સફેદ વાળ ખેંચવામાં આવે પછી ત્યાંથી વધુ સફેદ વાળ ઉગે છે. કદાચ આવું કરવામાં આવે તો એ બીજું કંઈ નહીં, પણ માથામાં ટાલ પાડવાનો વિશ્વનો સૌથી સસ્તો અને એકદમ કુદરતી માર્ગ તમે અખત્યાર કર્યો છે એમ કહી શકાય.

ચોટલો વાળવાથી વાળ ઝડપથી વધે

ચોટલો કે ચોટી વાળવાથી વાળ ઝડપથી વધે એ સદંતર ખોટી માન્યતા છે. ઉલટીનું જે સ્ત્રી-પુરુષો ચોટી વાળે છે, તેઓ જો વધુ ચુસ્ત રીતે કે એકદમ ઢીલી ચોટી વાળતા હોય અથવા તો ચોટી ઘણી લાંબી હોય તો વાળ ખરવાની કે ટાલ પડવાની સમસ્યાનો સામનો તેમણે કરવો પડે છે. એ બીજું કંઈ નથી પણ ટ્રેક્શન એલોપેશિયા છે જેનો મતલબ એ છે કે આ પ્રકારની આદતથી વાળ ખરવાની પ્રક્રિયા ધીમી ગતિએ ચાલતી રહે છે. આવું મહદ્ અંશે વાળ ખૂબ જ ચુસ્ત રીતે બાંધવાથી કે પછી એકદમ ખેંચીને બાંધવાથી થતું હોય છે.

રોજ વાળ ધોવાથી તેમાં શુષ્કતા આવે (અને વાળ ખરે પણ ખરાં!)

તમે જો વાળ ધોવા માટે શેમ્પૂનો ઉપયોગ કરતા હો તો તેનું થોડું પ્રમાણ વાળમાં રહી જતું હોય છે, જે ક્યારેક નુકસાન પણ કરી શકે છે પરંતુ જો તમારા વાળની સ્થિતિ અને પ્રકારને અનુરૂપ એવું શેમ્પૂ ઉપયોગમાં લો તો એ યોગ્ય મોઈશ્ચર આપે છે અને તેનાથી વાળનું સૌંદર્ય વધે છે. અહીં વાળ ધોવાની અને યોગ્ય શેમ્પૂનો ઉપયોગ કરવાની જરૂર છે,જેથી વાળમાં શુષ્કતાની સમસ્યા નહીં આવે.

પ્રોફેશનલ હેર ઉત્પાદનો

સૌપ્રથમ વાત એ છે કે તમામ શેમ્પૂ એકસરખા હોતા નથી. જ્યારથી ભારતમાં વ્યાવસાયિક હેર સ્ટાઈલીસ્ટનો વિચાર પ્રચલિત થયો છે ત્યારથી ખર્ચાળ હેર કટની સુવિધા શરૂ થઈ છે. તેમના દ્વારા ઉપયોગમાં લેવાતી પ્રોડક્ટસ મોંઘી હોય છે. કેમકે તેમાં મોંઘા તત્ત્વો ઉમેરવામાં આવે છે અને તેની ગુણવત્તા પણ ખૂબ સારી હોય છે. આ બધું રૂ. ૧ના સેશેમાં પ્રાપ્ત શેમ્પૂમાં સામેલ હોતું નથી.

સ્ત્રોત: બ્યુટિ કેર

ફેરફાર કરાયાની છેલ્લી તારીખ : 5/5/2020



© C–DAC.All content appearing on the vikaspedia portal is through collaborative effort of vikaspedia and its partners.We encourage you to use and share the content in a respectful and fair manner. Please leave all source links intact and adhere to applicable copyright and intellectual property guidelines and laws.
English to Hindi Transliterate