অসমীয়া   বাংলা   बोड़ो   डोगरी   ગુજરાતી   ಕನ್ನಡ   كأشُر   कोंकणी   संथाली   মনিপুরি   नेपाली   ଓରିୟା   ਪੰਜਾਬੀ   संस्कृत   தமிழ்  తెలుగు   ردو

સ્વાદિષ્ટ અને પૌષ્ટિક ટામેટાં

સ્વાદિષ્ટ અને પૌષ્ટિક ટામેટાં

આખું વર્ષ ટામેટાં આપણને સરળતાથી ઉપલબ્ધ હોય છે. તેને સલાડમાં ઉમેરો કે કોઈ પણ વાનગીમાં, તે અનોખી લિજ્જત સર્જે છે. ખટમીઠો સ્વાદ ધરાવતાં ટામેટાં વિટામિન્સ અને પોષક તત્ત્વોનો ભંડાર છે. તે વિટામિન સી, બીટા કેરોટિન અને એન્ટિઓક્સિડન્ટ્સથી સભર છે. ટામેટાંમાં ઉપલબ્ધ વિટામિન એ તમારા વાળને મજબૂત બનાવવામાં ઉપયોગી થાય છે. આ ઉપરાંત આંખોની તેજસ્વી દ્રષ્ટિક્ષમતા માટે પણ વિટામિન એ ઉપયોગી છે, જે ટામેટાંમાં ભરપુર પ્રમાણમાં છે. ટામેટાંમાં લાયકોપીન નામનું કુદરતી એન્ટિઓક્સિડન્ટ મળી આવે છે, જે કેન્સરના કોષોના વિકાસને અટકાવવામાં મદદ કરે છે.

હ્વદયને સાબૂત રાખવા માટે પણ ટામેટાં ગુણકારી છે, કેમકે તેમાં ભરપૂર માત્રામાં પોટેશિયમ, વિટામિન બી અને નિયાસીન છે, જે કોલેસ્ટ્રોલનું સ્તર તો ઘટાડે છે પણ તેની સાથે બ્લડપ્રેશરને પણ અંકુશમાં રાખે છે.

ટામેટાં શરીરમાં રહેલા ઝેરી તત્ત્વોને દૂર કરે છે. ટામેટાંનો જ્યુસ કે તેનો સૂપ નિયમિતપણે પીવાથી સ્કીન પર ગ્લો આવે છે અને શરીર હેલ્ધી રહે છે. પથરીની સમસ્યા ધરાવતા લોકોએ ટામેટાંના બીયાં કાઢીને પછી ખાવા હિતાવહ છે.

નવગુજરાત સમય



© 2006–2019 C–DAC.All content appearing on the vikaspedia portal is through collaborative effort of vikaspedia and its partners.We encourage you to use and share the content in a respectful and fair manner. Please leave all source links intact and adhere to applicable copyright and intellectual property guidelines and laws.
English to Hindi Transliterate