પુષ્યાનુગ ચૂર્ણ
પ્રદર, લોહીવા,આર્તવદોષ,યોનિદોષ જેવાં તમામ સ્ત્રીરોગો, બાળરોગો, તેમજ લોહીના ઝાડા અને મસા માટે શ્રેષ્ઠ
યોજના
જાંબુના ઠળિયા, કેરીની ગોટલી, લીંબુ સૂંઠ મરી જેઠીમધ, ઈન્દ્રયવ, અરડૂસી,દ્રાક્ષ વગેરે ૨૬ દ્રવ્યોનું ચૂર્ણ ફાર્મસીઓમાંથી તૈયાર પણ મળે છે.સેવનવિધિ
૧થી૬ ગ્રામની માત્રામાં આ ચૂર્ણ ભાતના ઓસામણમાં, બકરીના દૂધમાં, મોળી છાશમાં કે પાણીમાં દિવસમાં બે-ત્રણ વખત લેવું જોઈએ.ઉપયોગ
(૧) પ્રદર – સ્ત્રીઓને શરીર ધોવાતું હોય અથવા લોહીવા હોય તેમાં ૧-૧ ચમચી ચૂર્ણ સવારે – સાંજે ભાતના ઓસામણામાં લેવું આ ચૂર્ણની નાનકડી પોટલી પણ રેશ્મી કપડામાં બાંધી યોનિમાં રાખી શકાય.
(૨) આર્તવદોષ – આર્તવ વધુ આવતું હોય, અનિયમિત આવતું હોય, વિકૃત આવતું હોય તો આ ચૂર્ણ ૧-૧ ચમચી સવારે – સાંજે લેતા રહેવું.
(૩) યોનિદોષ – સ્ત્રીઓની જનનેન્દ્રિયના કોઈ પણ દરદમાં આ ચૂર્ણ પાણીમાં લેવું અને અંદર પોટલી મૂકવી.
(૪) બાળરોગ – બાળકોના ઝાડા, તાવ, કૃમિ, વગેરે દરદોમાં ૧-૧ ગ્રામ મધમાં કે દૂધમાં આપવું.
(૫) લોહીના ઝાડા – બકરીનું દૂધ અથવા મોળી છાશમાં ૧-૧ ચમચી ચૂર્ણ ચાર કલાકે આપવું.
(૬) રકતાર્શ – દૂઝતા મસા – ૧-૧ ચમચી ચૂર્ણ મોળી છાશમાં કે બકરીના દૂધમાં આપવું.
વૈદ્ય નિકુલ પટેલ
ફેરફાર કરાયાની છેલ્લી તારીખ : 5/25/2020
