ગૌચર સુધારણા યોજના

લાભાર્થીની પાત્રતા

• ગ્રામ પંચાયત
• ચેરીટી એક્ટ હેઠળ નોંધાયેલ ગૌશાળા
• પાંજરાપોળ

હેતુ

• રાજ્યમાં પશુઓને મળવાપાત્ર ઘાસચારાની ઘટ પૂરી કરી, ઘાસચારાનો પ્રશ્ન હલ કરવાનું સરકારશ્રીનું આયોજન.
• રાજ્યમાં ગ્રામ્ય કક્ષાએ બિન ઉત્પાદક ગૌચરોની જમીન નવસાધ્ય કરી ઘાસચારા ઉત્પાદન પ્રવૃત્તિને વેગ મળશે.
• ગામના પશુપાલકોને વિના મુલ્યે/સસ્તા ભાવે પશુઓને ખવડાવવા પૂરતા પ્રમાણમાં ઘાસચારો મળી રહેશે.
• ગામના દૂધાળાં પશુઓના દૂધ ઉત્પાદનમાં વધારો થશે.
• પશુપાલકોની આર્થિક અને સામાજિક સ્થિતિમાં નોંધપાત્ર સુધારો થશે.

અમલીકરણ

• અરજદાર સંસ્થાએ નિયત નમુનામાં અરજી કરવાની રહેશે.
• અરજદાર સંસ્થાએ નીચે મુજબ કામગીરી કરવાની રહેશે.
• ગૌચર જમીનમાંથી બાવળ, ઝાડી-ઝાંખરા દૂર કરવાના રહેશે.
• જમીન સમતલ કરવાની રહેશે.
• ખેડ કરવી,બિયારણ નું વાવેતર કરવાનું રહેશે.
• સિમેન્ટની થાંભલી સાથે તારની વાડ કરવાની રહેશે.

સહાયનું ધોરણ

• પ્રતિ હેક્ટર ૧.૦૦ લાખ રૂપિયા ની મર્યાદામાં વધુમાં વધુ ૨૦ હેક્ટર ગૌચર સુધારણા માટે વધુમાં વધુ રૂ! ૨૦.૦૦ લાખ સહાયની મર્યાદા.
• ખાસ કિસ્સામાં ૪૦ હેક્ટર સુધી ગૌચર સુધારણા માટે વધુમાં વધુ રૂ! ૪૦.૦૦ લાખ સુધી સહાય આપી શકાશે.