ગાભણ અને વિયાણ પહેલાનુ ગ્રુપઃ ૨ થી 3 અઠવાડીય વિયાણ પહેલાં દૂધાળુ પશુઓમાં વાછરડાના સંભવિત જન્મ માટે તૈયાર કરવા માટે જરૂરી તમામ પોષકતત્વોમાં , દૂધ ઉત્પાદનની પ્રારંભિક પ્રક્રિયા અને મેટાબોલિક સમસ્યાઓ અટકાવવામાં મદદ કરવાની જરૂર હોય છે. આ રાશનમાં અનાજનો આશરે 3 કિલો દાણ, ૨ થી 3 કિલો સારી ગુણવત્તાવાળા સુકા ઘાસ-ચારા, તેમજ લીલાચારા કે સાયલેજ અને ખનિજો અને ફીડ એડિટેવસનો સમાવેશ કરવામાં આવે છે, જે રેશનને ખૂબ જ સ્વાદિષ્ટ બનાવે છે અને મેટાબોલિક ડિસઓર્ડસને રોકવામાં મદદ કરે છે.
ફ્રેશ ગાય કે ભેંસને તેમના વિયાણ થી ૨૧ દિવસ સુધી દૂધ ઉત્પાદન ચાલુ થતા ખુબજ ઉચ્ચ પોષક તત્વોની જરૂરીયાત ઉભી થાય છે પરંતુ તે પ્રમાણમાં ઓછો શુષ્ક ખોરક ખાય છે. ૨ થી 3 કિલો જેટલો સારી ગુણવત્તા વાળો સુકો ધાંસ-ચારો જઠર/રુમેનના કાર્યને વધારે છે અને પશુને ઉચ્ચ દૂધ ઉત્પાદન તરફ સારી શરૂઆત કરવા અને ઉચ્ચ ઉત્પાદન વધારવા તરફ દોરી જાય છે.
પ્રથમ વિયાણ પછી પશુને સામાન્ય રીતે વધુ સારી રીતે માવજત કરવામાં આવે તો તે વધુ ઉત્પાદન આપે છે. તેમની પાછળનુ પરીબળ પણ પોષણ જ છે. જેમ કે વેતરાવ પશુ કરતાં તે પીક(ઉચ્ચ) દૂધ ઉત્પાદન સુધી પહોંચવા માં તેઓ ધીમી હોય છે , પરંતુ વેતરાવ પશુ કરતાં દૂધ ઉત્પાદન સતત જાળવી રાખે છે. અંતમાં આ જૂથ દૂધના ૨૫૦ દિવસ પછી લેસ્ટેશન ગ્રૂપમાં મુકવામાં આવે છે.
જેમા વિયાણ પછીના ૧૮૦ થી ૨૫૦ દિવસન ગ્રુપમાં પશુ ગાભણ થયેલ હોવુ જોઇએ અને દૂધનું ઉત્પાદન ઉચ્ચ જૂથના ૭૫ થી ૮૫% જેટલું હોવું જોઇએ. આ ગ્રપને મળેલ રાશિનમાં ઉંચા ગ્રૂપના રાશન કરતાં વધુ શુષ્ક ભાગ હોવા જોઈએ અને થોડું ઓછા પોષક હોવા જોઈએ.
જેના દૂધના દિવસો ૨૫૦ દિવસ કરતા વધુ થયા હોય તેને દૂધનું ઉત્પાદન જાળવી રાખવા અને શરીરમાં ચરબીનુ પ્રમાણ જળવાવુ જરૂરી છે એટલે કે કન્ડીશનીંગ પર ભાર મૂકવા માટે રાશનમા ઘાંસચારો વધારવો જોઇએ.
વિયાણ પછીના રર૦ થી ૨૬૦ દિવસ ગાભણ પશુને આગામી દૂધ ઉત્પાદન માટે જેવું તૈયાર કરવું જોઈએ. મહત્તમ જઠર/રુમેને ભરવા અને રુમેનેશનને વધારે કર્યક્ષમ બનાવવા માટે TMR માં મોટાભાગે સારા માધ્યમ ગુણવત્તાવાળા ઘાંસચારાની જરૂર હોય છે, માટે રાશનમાં યોગ્ય પ્રોટીન અને યોગ્ય ખનિજ તત્વો જરૂરી છે.
દરેક ગ્રુપમાં સરેરાશ દૂધનું ઉત્પાદન શું છે તેના કરતાં થોડું વધારે પોષક તત્વો નુ પ્રમાણ રાશનમાં સંતુલિત કરવું જોઈએ. ઇચ્છિત પોષક સંયોજનો માટે રાશન તૈયાર કરવા માટે વપરાયેલા શુષ્ક પદાર્થ (ડીએમ)નો ઉપયોગ ગ્રુપના વાસ્તવિક ડીએમ ઇન્ટેક જેટલો જ હોવો જોઈએ. અહી ગ્રુપને સરેરાશ ઉત્પાદન કરતા ૨૦% જેટલા વધારે દૂધ ઉત્પાદન માટે તેમને તૈયાર કરવા નો હેતુ છે. દાખલા તરીકે, જો દરરોજ સરેરાશ ૬ કિલો દૂધનું ઉત્પાદન થાય છે , તો દરરોજ ૮ કિલો દૂધનું રાશન બનાવવું જોઈએ. જો સરેરાશ દૂધ ઉત્પાદન ન વધે તો સામાન્ય રીતે વધારાનું પોષણ સામાન્ય રીતે વૃદ્ધિ માટે અથવા શરીરની સ્થિતિને વધારવા માટે વાપરાય છે.
લેખક ડો. જિજ્ઞશ મોવલીયા, ડી.પી.ડી.વમાં & ડી.એચ.સી.પરમાર, વૈજ્ઞાનિક- કૃષિ વૈજ્ઞાન કેન્દ્ર , વ્યારા જિ. તાપી મો. ૯૭૨૭૭૦૮૮૭૬
ફેરફાર કરાયાની છેલ્લી તારીખ : 8/5/2019