<div id="MiddleColumn_internal" style="text-align: justify; "> <h3>ફોસ્ફરસની ઉણપના સામાન્ય ચિન્હો</h3> <ul> <li>ફોસ્ફરસની ઉણપ સામાન્ય રીતે છોડના સૌ પ્રથમ જૂના પર્ણોમાં જોવા મળે છે.</li> <li>ફોસ્ફરસની ઉણપથી છોડના પર્ણો જાંબલી કે રતાશ પડતા થઇ જાય છે અને છોડનો સંપૂર્ણ વિકાસ રુંધાઇ જાય છે.</li> <li>ધાન્ય પાકોમાં ફૂટની સંખ્યામાં ઘટાડો થાય છે.</li> <li>પાકની ઉત્પાદન ક્ષમતામાં ઘટાડો થાય છે.</li> <li>ઘણા પાકોમાં વિષમ પરિસ્થીતી જેવી કે જમીનનું ઠંડુ પડી જવું, જમીનનો ભેજ વધી જવો કે જમીન કઠણ થઇ જવી વગેરેમાં છોડના મૂળનો વિકાસ અટકી જાય છે.</li> </ul> <h3>ઘઉમાં ફોસ્ફરસની ઉણપના ચિન્હો</h3> <ul> <li>ઘઉમાં ફોસ્ફરસની ઉણપથી છોડની વૃદ્ધિ ઓછી થાય છે અને ફુટની સંખ્યામાં ઘટાડો થાય છે.</li> <li>ઘઉમાં ફોસ્ફરસની ઉણપથી પાકવાના દિવસો વધી જાય છે અને ઉત્પાદન ઓછું મળે છે.</li> <li>ઘઉમાં ફોસ્ફરસની ઉણપથી છોડની રોગ પ્રતિકારક શકિત ઓછી થઇ જાય છે.</li> </ul> <h3>મકાઇમાં ફોસ્ફરસની ઉણપના ચિન્હો</h3> <ul> <li>મકાઇમાં ફોસ્ફરસની ઉણપથી છોડના પર્ણો જાંબલી કે રતાશ પડતા ઘેરા રંગના થઇ જાય છે.</li> <li>પાકની શરુઆતની અવસ્થામાં વિશેષ પ્રમાણમાં ઉણપ વર્તાય છે.</li> <li>છોડનો સમગ્ર રીતે વૃદ્ધિમાં ઘટાડો થાય છે જે પાકની સંપૂર્ણ અવસ્થા દરમ્યાન રહે છે, પરિણામે ઉત્પાદનમાં ઘટાડો થાય છે.</li> </ul> <h3>કપાસમાં ફોસ્ફરસના કાર્યો</h3> <ul> <li>છોડમાં જીંડવા વહેલા બેસવા અને છોડને ઝડપથી પરીપક્વ કરવું.</li> <li>મુળ અને ડાળમાં જુસ્સાદાર વૃદ્ધિ પ્રેરવી.</li> </ul> <h4>કપાસમાં ફોસ્ફરસની ઉણપના ચિન્હો</h4> <ul> <li>કપાસમાં ફોસ્ફરસની ઉણપથી છોડના પર્ણો જાંબલી કે રતાશ પડતા ઘેરા રંગના થઇ જાય છે અને છોડનો સંપૂર્ણ વિકાસ રુંધાઇ જાય છે.</li> <li>કપાસમાં ફોસ્ફરસની ઉણપથી ફાલ મોડો બેસે છે.</li> <li>કપાસમાં ફોસ્ફરસની ઉણપથી છોડની જીંડવા ધારણશકિત ઓછી થઇ જાય છે.</li> <li>કપાસમાં ફોસ્ફરસની ઉણપથી પર્ણો વહેલા ઘરડા થઇ જાય છે.</li> </ul> </div>