વહેંચો
Views
  • સ્થિતિ ફેરફાર કરવા માટે ખોલો

હેલ્થ ટિપ્સ

હેલ્થ ટિપ્સ

સારા વર્કઆઉટ પછી સારી ઊંઘ અત્યંત જરૂરી છે, જેથી શરીરને થયેલું નુકસાન ભરપાઈ થઈ શકે. કારણ એ જ છે કે ઊંઘ દરમિયાન જ શરીર મજબૂત માંસપેશિયો માટે નવા કોષો બનાવે છે અને સાચી તંદુરસ્તીનો પ્રારંભ કરે છે. માટે રાત્રે ઉજાગરાથી બચો અને સાતથી આઠ કલાકની સાઉન્ડ સ્લીપ લેવાનું ના ચૂકો.

દહીં

યોગર્ટ (દહીં)માં કેલ્શિયમ, વિટામીન ડી અને વિટામીન એ ભરપૂર માત્રામાં છે. તે પ્રો બાયોટિક હોવાથી પાચનક્રિયામાં મદદરૂપ થાય છે. સ્વાસ્થ્ય માટે યોગર્ટ ખૂબ લાભદાયી છે. ચાહે સલાડ સાથે ખાઓ, રાઈતું બનાવીને ખાઓ કે ફ્રૂટ સ્મૂધી બનાવીને ખાઓ, યોગર્ટ સ્વાસ્થ્ય અને સાથે સુંદરતા બન્નેને નિખારશે.

વિવિધ રંગના ફળો

વિવિધ રંગના ફળોમાંથી આપણા શરીર માટે અત્યંત લાભદાયી એવાં પોષક તત્ત્વો પ્રાપ્ત થાય છે. સ્વસ્થ રહેવા માટે આવાં ફળો અને શાકભાજીનું નિયમિત સેવન કરવું જરૂરી છે. જેમ કે ટામેટાં, ગાજર, લાલ દ્રાક્ષ જેવાં ફળો અને શાકભાજીમાં લાયકોપીન, એલેજિક એસિડ જેવાં તત્ત્વો હોય છે, જે પ્રોસ્ટેટ, યુરિનરી ટ્રેકને સ્વસ્થ રાખે છે અને ડીએનએના સ્વાસ્થ્યને જાળવે છે. આ ઉપરાંત તે કેન્સર અને હ્વદયરોગ સામે પણ લડત આપે છે.

રાઈસનો કલર રેડ

નામ પ્રમાણે આ રાઈસનો કલર રેડ છે, જે તેમાં રહેલાં ‘એન્થોસિયેનીન’ નામનાં તત્ત્વને આભારી છે. આ રાઈસ છડ્યા વગરના કે અડધા છડેલા હોય છે. તેનાં છોતરાંનો કલર બ્રાઉનને બદલે રેડ હોય છે. રેડ રાઈસ હાઈ ન્યુટ્રિશનલ વેલ્યુ અને નટી ફ્લેવર ધરાવે છે. તેમાં ફાઈબરનું પ્રમાણ ઘણું ઊંચું હોય છે. હાઈ કોલેસ્ટ્રોલ ધરાવતા લોકો માટે તે ખૂબ લાભદાયી છે કારણ કે તે શરીરમાં રહેલા કોલેસ્ટ્રોલને ઓછું કરે છે.

મધ

મધને સ્વસ્થ જીવન માટે અમૃત સમાન માનવામાં આવ્યું છે. મધમાં ભરપુર માત્રામાં વિટામિન્સ અને ખનીજો છે. વિટામિન-સી, કેલ્શિયમ અને લોહતત્વ તેમાંથી મુખ્યત્વે પ્રાપ્ત કરી શકાય છે. મધમાં અનેક એન્ટિઓક્સિડન્ટસ છે, જે કેટલાંક પ્રકારના કેન્સરના જોખમને નાથવામાં મદદ કરે છે. તેમાં રહેલા એન્ટીઓક્સિડન્ટ્સ શરીરમાં રહેલા કેન્સરજન્ય કોષોને નષ્ટ કરી શકે છે. મધ શરીરની પાચનક્રિયાને પણ સુવ્યવસ્થિત રાખવામાં લાભદાયી નીવડે છે. મધના સેવનથી તમારી રોગપ્રતિકારક શક્તિમાં વધારો થાય છે અને તમે જીવનભર સ્વસ્થ અને ચુસ્ત રહી શકો છો.

સ્ત્રોત:નવગુજરાત સમય

4.0
તમારા સૂચનો આપો

(જો ઉપરની માહિતી માટે તમારી કોઇ ટિપ્પણી/ સૂચનો હોય, તો અહીં જણાવવા વિનંતી)

Enter the word
નેવીગેશન
Back to top