વહેંચો
Views
  • સ્થિતિ ફેરફાર કરવા માટે ખોલો

દિવેલના વિવિધ આરોગ્યપ્રદ ઉપયોગો

દિવેલના માલિશથી ત્વચાની રૂક્ષતા, ઉઝરડા, ત્વચામાં ચીરા પડવા જેવી તકલીફ મટાડી શકાય છે.

દિવેલના નામે પ્રચલિત તેલ એરંડાના બીજમાંથી મેળવવામાં આવે છે. જેને એરંડીયુ પણ કહે છે. વિદેશમાં ‘કેસ્ટર' નામના ઉંદર જેવા પ્રાણીના અંડમાંથી વિશિષ્ટ સુગંધવાળો તૈલી પદાર્થ મેળવવામાં આવે છે. જેનો વિવિધ રોગનાં ઈલાજમાં પરંપરાગત ઉપયોગ થાય છે. એરંડીયામાં તેનાં જેવી જ ગંધ હોવાને કારણે તેને ‘કેસ્ટર ઓઈલ' કહેવાતું હોઈ શકે !

ઉત્તમ સારક ઔષધ

એરંડનાં બીજમાંથી નીકળતું તેલ તેની ચીકાશ અને ગુણધર્મને કારણે આંતરડામાં જામી ગયેલા મળને બહાર કાઢે છે. દિવેલના સંપર્કથી આંતરડાની અંદરની શ્ર્લેષ્મકલા પર કોઈ આડઅસર થતી નથી પરંતુ, આંતરડાની દિવાલની મૃદુતા તથા કાર્યશક્તિમાં સુધારો થાય છે. આથી જ રેચક ગુણ ધરાવતા દિવેલને મળશુદ્ધિ માટે વાપરવામાં આવે છે. ૧૬ વર્ષથી ઉપરની વયમાં તરુણો, યુવાનો સર્વેને દિવેલ ગરમ પાણી, ત્રિફળા કે હરડેના કવાથ સાથે પીવડાવવાથી મળશુદ્ધિ થવાની સાથે આંતરડાની કાર્યશીલતા સુધરે છે. નાના બાળકોનો તેમની વય, વજન, શક્તિ અને તકલીફને ધ્યાનમાં રાખી વૈદ દિવેલથી ઉપચાર સૂચવે છે. મળાશયમાં મળ જામી જઈ, સૂકાયેલા મળને કારણે મળપ્રવૃત્તિ થતી ન હોય, મળપ્રવૃત્તિ દરમ્યાન ગુદામાં વેદના થવાથી બાળક રડતું હોય જેવી તકલીફમાં મેડિકેટેડ કોટનને દિવેલમાં બોળી ગુદા પર હળવા હાથે લગાવવાથી બળતરા, દુખાવામાં, સોજામાં ફાયદો થાય છે..

અગાઉના સમયમાં ખાસ કરીને સંયુક્ત કુટુંબમાં મહિનામાં એક વખત દાદીમા નાની ચમચીમાં દિવેલ અને થોડું મધ કે સૂંઠ ભેળવી કુટુંબનાં બાળકોને પીવડાવતા. મળશુદ્ધિ સાથે પેટમાં ચૂંક, કરમિયા, કફનો ભરાવો દૂર કરવા માટેનો દાદીમાનો આ વિશિષ્ટ પ્રયાસ કારગર રહેતો.

‘આમ' (મેટાબોલિક ટોક્સિક વેસ્ટ) ઘણાં રોગનું મૂળ છે

સમયાંતરે રજાના આગલા દિવસે પાતળી ખીચડી, દુધી-તુરિયા, પરવર જેવા હલકા શાક, છાશ જેવું સુપાચ્ય ડિનર ખાધાનાં ત્રણ કલાક બાદ રાત્રે સૂતા સમયે એક ટેબલ સ્પૂન ૧૫ થી ૩૦ ગ્રામ દિવેલમાં ૩ ગ્રામ સૂંઠ ઉમેરી ગરમ પાણી સાથે પીને બે-છ મહીને મળશુદ્ધિ કરવાથી મળના જમા થવાથી થતી ‘આમ' તથા વાયુ સબંધિત આડઅસરને રોકી શકાય છે.

વાયુના રોગ માટે ખૂબ અસરકારક

વાતારિ જેવું સંસ્કૃત નામ ધરાવતું દિવેલ ખરેખર વાયુનું દુશ્મન છે. કબજીયાત, અપચો, આમ, સ્નાયુઓની નબળાઈ, નાડીતંત્રની અનિયમિતતા જેવી અનેક તકલીફને કારણે માસિક સમયે પેઢુમાં દુઃખાવો થવો, કમરથી લઈને પગના અંગુઠા સુધીની ‘સાયટિકા નર્વ' નાં દબાણથી થતો દુખાવો, કમર જકડાઈ જવી જેવી સ્નાયુઓની નબળાઈ, સોજો, અકડાઈ જવું જેવી તકલીફમાં દિવેલમાં સૂંઠ ઉમેરી ચાટી જઈ ઉપર દશમૂલ કવાથ અથવા ગરમ પાણી પીવાથી રાહત થાય છે..

રૂમેટિઝમ, ગાઉટ, સાયટિકા, સ્નાયુની નબળાઈ જેવા રોગ માટે દિવેલ સસ્તું અને અસરકારક ઔષધ છે, જો તેને યોગ્ય માત્રા અને વિધિથી વાપરવામાં આવે.

સૌંદર્ય અને સ્વાસ્થ્યવર્ધક

  • દિવેલના માલિશથી ત્વચાની રૂક્ષતા, ઉઝરડા, ત્વચામાં ચીરા પડવા જેવી તકલીફ મટાડી શકાય છે.
  • સ્તનપાન કરાવતી માતાઓના સ્તનની ડીંટડીમાં ચીરા પડવા, સોજો કે દુઃખાવો-પાક થતો હોય તેઓ દિવેલ લગાવી રાહત મેળવી શકે છે. સ્તનમાં દુધનો ભરાવો થઇ થતી ગાંઠ અને દુઃખાવામાં એરંડાનાં પાનને તવી પર ગરમ કરી શેક કરવાથી ફાયદો થાય છે.
  • ઉંદરી-એલોપેસિયા કે અન્ય કોઈ ઈન્ફેકશન, નબળાઈ જેવા કારણસર માથામાં ટાલ પડી હોય તેવી ત્વચામાં વાળના છિદ્રો ખોલી અને વાળ ઉગવા માટે જરૂરી એન્ટીઇન્ફ્લેમેટરી અને ન્યુટ્રીટીવ ગુણો ધરાવતા દિવેલને થોડું ગરમ કરી લગાવવાથી ફાયદો થાય છે.
  • આઈબ્રોનાં વાળ પર હળવા હાથે દિવેલ લગાવી રાતભર રાખવું. આ મુજબ થોડો સમય નિયમિત કરવાથી ભ્રમરના વાળ ઘાટા અને ભરાવદાર બને છે.
  • હાથની હથેળી, પગના તળીયા લુખ્ખા થઇ, ચામડી ઉતરવી, ચીરા પડવા જેવી તકલીફ શિયાળામાં જ નહીં તજા ગરમીને લીધે ઉનાળામાં પણ થતી હોય છે. તેઓ હાથ-પગમાં દિવેલનું માલિશ કરી શકે છે.
  • નખ વારંવાર તૂટી જતાં હોય, શુષ્ક હોય, નખમાં ફંગલ ઈન્ફેકશન હોય તેવા કિસ્સામાં પણ દિવેલથી માલિશ કરવાથી ફાયદો થાય છે.
  • ચુસ્ત કપડાં, ગરમી, પરસેવાને પરિણામે ચામડીમાં ફુગનું સંક્રમણ, લાલાશ-ખંજવાળ જેવી ત્વચા સબંધિત સમસ્યામાં દિવેલ કુદરતી-અસરકારક એન્ટીફંગલ એપ્લીકેશન છે.
  • દિવેલમાં લિનિયોલેનીક ફેટી એસિડ માત્ર ૧%, લિનોલીક ૪%, ઓલેક ૩%, સ્ટેરીક ૧% સાથે ૯૦% રિસિનોલેઈક એસિડ RAને કારણે દિવેલને નેચરલ સ્ટેબિલિટી અને હાઈ સેલ્ફ લાઈફ મળે છે. જેથી વિવિધ કેમિકલમાં તો દિવેલનું મહત્વ છે, તે સાથે તેનું રાસાયણિક સંઘટન આરોગ્યપ્રદ પણ છે.

સ્ત્રોત :ફેમિના, નવગુજરાત સમય

3.23076923077
સ્ટાર પર રોલ-ઓવર કરો અને પછી ક્લિક કરી રેટ કરો
કમલેશ બી. સરવૈયા Jan 06, 2019 07:55 AM

હેલ્લો સર,
મને કબજિયાત ની તકલીફ હોવાથી હું રોજ રાતે સૂવાના સમયે ૨ ચમચી દિવેલ લેતો હતો. અને તેનાથી મારું પેટ સાફ રેહતું હતું.પરંતુ
મે મારા એક મિત્ર પાસેથી એવું સાંભળ્યું છે કે દીવેલ પીવાથી લાંબા સમયે લકવા ની અસર થાય છે. શું આ સાચું છે? યોગ્ય સલાહ આપવા વિનંતી.
મોબાઈલ નંબર: ૯૦૩૩૮૧૪૪૭૫

તમારા સૂચનો આપો

(જો ઉપરની માહિતી માટે તમારી કોઇ ટિપ્પણી/ સૂચનો હોય, તો અહીં જણાવવા વિનંતી)

Enter the word
નેવીગેશન
Back to top